Letters Patent of Henry VIII Establishing Christ College and Church, Brecon, Wales

Rex omnibus ad quos et c' salutem.

Cum Collegium de Alberguylly in loco inidoneo existit, ubi nulla occasio hospitalitatis aliis per viros dicti Collegii administrandæ datur ad commodum et utilitatem subditorum nostrorum, in locis dicto Collegio adjacentibus ad grave dampnum dictorum ligeorum nostrorum.

Cumque etiam domus sive Prioratus Fratrum prædicatorum in oppido nostro de Brechnok in australibus partibus Walliæ, cum omnibus et omnimodis mesuagiis terris et tenementis bonis rebus necessariis et implementis ad dictum nuper Prioratum spectantibus, in manibus et possessione nostris, jam existunt, vel existere deberent, prætextu doni concessionis ac sursum redditionis Ricardi Davidi nuper Prioris et Conventus ejusdem nuper Prioratus nobis inde factæ; Virtute cujus nos in jure coronæ nostræ Angliæ de dicto nuper Prioriatu mesuagiis terris et tenementis ac ceteris omnibus et singulis præmissis seisiti sumus in Dominico nostro ut de feodo.

Cumque etiam subditi et ligei nostri in dictis partibus australibus Walliæ commorantes, summa egestate oppressi filios suos in bonis literis educare non possunt: Et in dictis partibus australibus Walliæ nullus ludus literarius habetur, per quod non solum et clerici et laici omnis ætatis et conditionis rudes et ignari redduntur, tam sui officii erga Deum, quam debitæ suæ obedientiæ erga nos; sed etiam linguæ vulgaris Angliæ minime periti, sic quod statuta nostra in hujusmodi casu edita et provisa observare nequeunt; et quod debuerunt et tenentur facere secundum formam et effectum dictorum statutorum, intelligere non possunt propter ignorantiam dictæ linguæ Anglicanæ.

Cumque etiam in dicto Collegio de Alberguylly pro Cantatoribus in eodem Collegio stipendia atque salaria ad summam quinquaginta trium librarum sterlingorum annuarum attingentia providentur. Quæ quidem summa quinquaginta trium librarum in meliores usus potest disponi, utpote in adolescentibus et aliis juvenibus in bonis literis instruendis et cotidiana lectura per aliquem virum pium et eruditum dictanda, unde possunt veritatem callere et quid Deo et Regi faciendum foret satius possunt intelligere, in maximum commodum totius populi nostri ibidem commoraturi, sicut per relationem dilecti nobis in Christo Willielmi Episcopi Menevensis plenius ac planius accepimus.

Nos igitur volentes ex intima charitate nostra qua erga Deum et cunctum populum nostrum gerimus, congruum remedium in hac parte providere, et in multo meliores usus quam nunc disponuntur convertere et transmutare, clare percipientes quod præmissa omnia et singula melius disponi possunt Volentesque multum statum subditorum nostrorum melius consulere, de gratia nostra speciali ac ex certa scientia et mero motu nostris dedimus concessimus et confirmavimus, ac per præsentes damus concedimus et confirmamus præfato Willielmo nunc Episcopo totam illam domum sive Prioratum fratrum prædicatorum, ac totum solum et fundum, præcinctum, et ambitum, dicti nuper Prioratus, ac omnia ædificia, terras et tenementa, redditus reversiones et servitia, mesuagia, sola, funda, proficua commoditates advantagia et hæreditamenta quæcumque, dicto nuper Prioratui quoquo modo spectantia sive pertinentia.

Acetiam omnia catalla res hustilmenta necessaria et implementa in dicto nuper Prioratu tempore dissolutionis ejusdem, vel unquam postea existentia, vel ad eundem nuper Prioratum aliqualiter spectantia vel pertinentia, cuiuscumque generis vel speciei fuerint, ac in tam amplis modo et forma prout dictus Ricardus David ultimus Prior dicti nuper domus fratrum prædicatorum, vel aliquis prædecessorum prædicti Ricardi David nuper Prioris ejusdem nuper domus sive Prioratus dicti nuper Priorat' terras et tenementa, solum, fundum ædificia ac cætera hæreditamenta quæcumque, bona et catalla res hustilmenta implementa et necessaria, dicti nuper Prioratus spectantia vel aliquo modo pertinentia, ac reversionem dicti nuper Prioratus et cæterorum præmissorum quorumcumque.

Acetiam dedimus et concessimus et de gratia nostra speciali certa scientia et mero motu nostris, damus et concedimus eidem nunc Episcopo et successoribus suis, totum jus nostrum, statum, titulum clameum, possessionem interesse et demand' quæ nos in prædicto nuper Prioratu sive domo fratrum prædicatorum ac cæteris præmissis cum pertinentiis, ac in reversione dicti nuper Prioratus sive domus fratrum prædicatorum ac cæterorum præmissorum cum omnibus et singulis suis pertinentiis universis, ac in manibus et possessione nostris jam existentibus habemus, seu quovismodo infuturum habere poterimus, aut hæredes vel successores nostri habere aut clamare debent aut poterunt quovismodo infuturum, jure titulo materia vel causa quibuscumque juxta omnem juris effectum, ac omnia et omnimodas libertates et franchesias jura et jurisdictiones quecumque dicto nuper Prioratui terris et tenementis, vel cæteris hæreditamentis quibuscumque, sive alicui inde parcellæ quoquo modo spectantia vel pertinentia, adeo plene et integre prout antedictus Ricardus David nuper Prior Prioratus prædicti aut aliquis prædecessorum suorum Priorum dicti nuper Prioratus sive domus prædicatorum in jure illius Prioratus dictam nuper domum sive Prioratum fratrum predicatorum ea vel prædicta bona et catalla, res, necessaria vel implementa prædicta, vel aliquam partem inde unquam habuerunt tenuerunt vel gavisi fuerunt, habuit tenuit aut gavisus fuit, aut habere tenere seu gaudere debuerunt vel deberent, debuit sive deberet, aut adeo plene et integre prout ea omnia et singula ad manus nostras ratione et prætextu dissolutionis dicti nuper Prioratus sive domus devenerunt, seu devenire debuerunt, vel deberent, ac alio modo quocumque in manibus nostris jam existunt seu existere debent veldeberent.

Habendum, tenendum et gaudendum prædictam domum sive prædictum nuper Prioratum, solum, fundum, et præcinctum ejusdem, ac omnia et singula ædificia dicti nuper Prioratus, ac omnia mesuagia terras et tenementa; redditus reversiones et servitia, commoditates et proficua, ac cætera hæreditamenta quecumque, bona catalla res hustillamenta implementa et necessaria quecumque, ac cætera omnia et singula præmissa superius expressa et specificata, cum suis juribus et pertinentiis universis, unacum omnibus et omnimodis proficuis emolumentis et commoditatibus quibuscumque, ad dictum nuper Prioratum spectantibus vel pertinentibus præfato Willielmo nunc Episcopo Meneven' et successoribus suis imperpetuum tenendum de nobis hæredibus et successoribus nostris per fidelitatem tantum pro omni servitio et exactione quacumque.

Et ulterius ex speciali gratia nostra, certa scientia et mero motu nostris, damus et per præsentes concedimus præfato nunc Episcopo Meneven' et successoribus suis omnia et in omnimod' exitus reventiones et proficua prædicti nuper Prioratus sive domus fratrum prædicatorum, ac cæterorum omnium et singulorum præmissorum a tempore dissolutionis dicti nuper Prioratus sive domus hucusque, et semper postea emergentia et provenientia. Habendum et percipiendum dictum nuper Prioratum terras et tenementa ac cætera hæreditamenta, redditus reversiones et proficua reventiones et servitia, ac omnia et singula præmissa cum pertinentiis, eidem nunc Episcopo et successoribus suis ex dono nostro absque compoto seu aliquo alio proinde nobis hæredibus vel successoribus nostris quoquo modo reddendo solvendo vel faciendo.

Et ulterius ex speciali gratia nostra, certa scientia et mero motu nostris, volumus et concedimus ac per præsentes damus et concedimus, pro nobis hæredibus et successoribus nostris, præfato Willielmo nunc Episcopo Meneven' et successoribus suis dictum Collegium de Alberguylly, ac dictum nuper Prioratum ac unam clausuram terræ quæ dicitur le close Ymaendny, ac omnia terras et tenementa redditus reversiones et servitia, mesuagia sola funda commoditates advantagia et hæreditamenta quecumque, dicto Collegio atque dicto nuper Prioratui, et eorum cuilibet aliquo tempore quoquo modo spectantia sive pertinentia; acetiam volumus et per præsentes concedimus præfato nunc Episcopo quod habeat has literas nostras patentes, sub magno Sigillo nostro Angliæ debito modo factas et sigillatas, absque fine vel feodo magno vel parvo in Hanaperio nostro, seu alibi ad usum nostrum quoquo modo reddend' solvend' vel faciend'.

Eo quod expressa mentio de certitudine aut valore præmissorum, aut de aliis donis sive concessionibus, per nos vel aliquem progenitorum nostrorum præfato nunc Episcopo ante hæc tempora factis in præsentibus minime fact' existit, aut aliquibus statutis actu ordinatione provisione sive restrictione in contrarium factis editis ordinatis sive provisis, aut alia aliqua re causa vel materia quacumque in aliquo non obstante.

Insuper noveritis quod nos de gratia nostra speciali certa scientia et mero motu nostris, volumus et concedimus ac per præsentes licentiam facultatem potestatem et auctoritatem ordinario ac loci illius Diocesano et Patrono fundatori ac Decano dicti Collegii de Alberguylly, damus quod ipsi possunt absque aliquibus impetitione vel perturbatione nostri hæredum aut successorum nostrorum vicecomitum justiciariorum escaetorum officiariorum aut ministrorum nostrorum quorumcumque libere et impune dictas annuas quinquaginta tres libras pro stipendio dictorum cantatorum, ut præmittitur, assignatas expendendas in meliorem usum secundum eorum sanas discretiones commitend'.

Et quod ipsi libere et impune valeant quendam ludum literarium erigere et fundare apud Brechnoke prædict', ac ipsas quinquaginta tres libras annuas ad sustentationem quorumdam proborum hominum viz. eruditi ludi magistri et pædagogi, lectoris theologiæ concionatoris, qui apud Breknok praedict' omnibus personis doceri volentibus in bonis literis erudiant, ac sanctum evangelium cunctis ligeis et fidelibus nostris ibidem pure et sincere gratis et libere elucidabunt, secundum ordinationes et statuta in ea parte per dictum diocesanum et loci illius ordinarium ac fundatorem Collegii prædicti de tempore in tempus edenda et constituenda, libere et impune absque impetitione nostri hæredum aut successorum nostrorum justiciariorum ministrorum aut officiariorum quorumcunque, aliquibus statutis actubus ordinationibus vel provisionibus incontrarium factis editis aut provisis, non obstantibus, et absque aliquo ab ipsis pueris vel eorum parentibus pro educatione prædictorum adolescentium capiendo vel clamando.

Acetiam de gratia nostra speciali certa scientia mero motu nostris, volumus et concedimus per præsentes, quod dictus nuper Prioratus fratrum prædicatorum Collegium Christi de Brechnok de cætero nuncupetur, et ab omnibus appelletur; ac pro tali Collegio acceptamus et reputamus per præsentes, et non alio modo neque aliter imposterum vocari appellari vel nuncupari volumus.

Et quod antedictus nunc Episcopus Menevensis ac omnes et singuli præbendarii canonici choristæ vicarii, aliive ministri dicti Collegii de Albergully, ac omnes Ludi magistri pædagogi lectores concionatores ac aliæ personæ quæcumque; illic pro tempore existentes et successores sui libere et impune apud prædictum oppidum de Breknok et in Ecclesia prædict' nuper Prioratus ac aliis possessionibus terris et tenementis, ac aliis hæreditamentis quibuscumque dicto nuper Prioratui spectantibus, et infra ambitum et præcinctum ejusdem nuper Prioratus cohabitare recedere possunt et manere.

Et quod idem nunc Episcopus Meneven' et successores sui ad ejus et eorum cujuslibet beneplacitum libere transferre possunt dictos residentiarios præbendarios canonicos choristas aliosque ministros dicti Collegii de Alberguylly, ad dictum Collegium Christi de Brechnok prædictum atque eos et eorum quemlibet sub pœnis statutorum dicti Collegii de Alberguylly, aliquo tempore ante hac usitatis consuetis specificatis et declaratis, absque impetitione molestatione vel perturbatione nostri hæredum vel successorum nostrorum, justiciarorum escaetorum vicecomitum ballivorum servientium officiariorum vel ministrorum nostrorum, hæredum aut successorum nostrorum quorumcumque, vel eorum alicujus cohabitare faciat.

Et ulterius volumus et concedimus per præsentes de speciali gratia nostra certa scientia et mero motu nostris, quod idem nunc Episcopus Meneven' et successores sui, ac omnes alii residentiarii præbendarii canonici vicarii choristæ, aliique ministri dicti Collegii de Alberguylly et successores sui, pure libere quiete et hæreditarie habeant et teneant sibi et successoribus suis imperpetuum, omnia et omnimoda maneria mesuagia terras et tenementa, redditus reversiones et servitia, advocationes ecclesiarum vicariarum et capellarum, proficua emolumenta commoditates et hæreditamenta, libertates franchesias præeminentias et jura quecumque aliquo modo ante hac data concessa debita vel spectantia dicto Collegio de Alberguylly, vel fabricæ dicti Collegii.

Et quod ipsi nunc Episcopus Meneven' canonici residentiarii præbendarii vicarii choristæ, vel collegiati aliive ministri quicumque dicti Collegii de Alberguylly, et successores sui, habeant gaudeant et utantur omnibus et omnimodis privilegiis libertatibus franchesiis præeminentiis et juribus, quibuscumque adeo plene et integre ac in tam amplis modo et forma, prout ipsi et prædecessores sui in Collegio de Alberguylly antea habuerunt tenuerunt vel gavisi fuerunt, aut habere tenere gaudere vel uti solebant vel debuerunt, vel eorum aliquis in dicto Collegio de Alberguylly aliquo tempore præantea habuit tenuit vel gavisus fuit, aut habere tenere gaudere vel uti solebat vel debuit, ad opus et usum sustentationis et manutentionis prædicti Collegii Christi de Brechnok.

Ac ea omnia et singula præmissa Prioratum Collegium maneria mesuagia terras et tenementa ac omnia alia jura commoditates proficua et hæreditamenta quæcumque, quæ aliquo tempore habita cognita accepta reputata vel capta fuerunt; ut partes parcellæ sive membra dict' nuper Prioratus Collegii maneriorum mesuagiorum terrarum et tenementorum reddituum reversionum, vel servitiorum aut cæterorum præmissorum, sive alicujus inde parcellæ vel præmiss',aut alicui præmissorum aliquo modo appendentia pertinentia sive spectantia. Ex speciali gratia nostra certa scientia et mero motu nostris, damus concedimus et confirmamus per præsentes dicto nunc Episcopo Meneven', et successoribus suis tam libere et effectualiter bene sufficienter integraliter, ac si omnia et singula præmissa cum suis pertinentiis universis realiter distincte nominatim specialiter ac certitudinaliter melioribus modis viis et mediis ac clarioribus et efficacioribus terminis verbis atque sententiis, juxta omnem juris effectum, et juxta omnes meliores et maxime sufficientes intelligentias, in lege dictum nuper Prioratum Collegium maneria, mesuagia terras tenementa redditus reversiones et servitia ac cætera hæreditamenta quæcumque, cum omnibus et singulis suis pertinentiis et commoditatibus universis declarat. dat. explanat. pronunciat. et publicat. fuissent et essent aptissimis verbis atque sententiis in lege ad præmissa et quamlibet inde parcellam clarissimam accommodatissimam et specialissimam quæ possunt excogitari.

Eo quod expressa mentio etc.

In cujus rei etc'. T'. R. apud Westm’ xix die Januarii,

Per breve de privato Sigillo et de dat’ etc.