Image of 'Brecon Collegiate Church and School' in script across the top

Letters Patent of Henry VIII Establishing Christ College and Church, Brecon, Wales

Manuscript Edition J

Bibliographic Information
  • Author:Jones, Theophilus
  • Title:A History of the County of Brecknock, vol. II
  • Place of Publication:Brecknock (Brecon)
  • Date:1809; 2nd edn., 1898
  • Pages:Appendix (unpaginated: doc. IX)

Note:

Jones explicitly cites S as his source. Note that J is the second edition; the first edition was not available to us at the time of this project.

Available online at:https://babel.hathitrust.org/cgi/pt?id=coo.31924096162064&view=1up&seq=724

Rex omnibus ad quos præsentes literæ pervenerint salutem.

Cum Collegium de Abergwilly in loco inidoneo existit, ubi nulla occasio hospitalitatis aliis per viros dicti Collegii administrandæ datur ad commodum et utilitatem subditorum nostrorum, in locis dicto Collegio adjacentibus ad grave dampnum dictorum ligiorum nostrorum.

Cumque etiam domus sive Prioratus Fratrum prædicatorum in oppido nostro de Brecknock in australibus partibus Walliæ, cum omnibus et omnimodis mesuagiis terris et tenementis bonis rebus necessariis et implementis ad dictum nuper Prioratum spectantibus, in manibus et possessione nostra, jam existant, et existere deberent, prætextu doni concessionis ac sursum redditionis Ricardi David nuper Prioris et Conventus ejusdem nuper Prioratus nobis inde factæ; Virtute cujus nos in jure coronæ nostræ Angliæ de dicto nuper Prioriatu mesuagiis terris et tenementis ac cæteris omnibus et singulis præmissis seisiti sumus in Dominico ut in feodo.

Cumque etiam subditi et ligei nostri in dictis partibus australibus Walliæ commorantes, summa egestate oppressi filios suos in bonis literis educare non possunt: Et in dictis partibus australibus Walliæ nullus ludus literarius habetur, per quod non solum et clerici et laici omnis ætatis et conditionis rudes et ignari redduntur, tum sui officii erga Deum, quam debitæ suæ obedientiæ erga nos; sed etiam linguæ vulgaris Angliæ minime periti, sic quod statuta nostra in hujusmodi casu edita et provisa observare nequeunt; et quod debuerunt et tenentur facere secundum formam et effectum dictorum statutorum, intelligere non possunt propter ignorantiam dictæ linguæ Anglicanæ.

Cumque etiam in dicto Collegio de Abergwilly pro Cantatoribus in eodem Collegio stipendia atque sallaria ad summam quinquaginta trium librarum sterlingorum annuatim attingentia providentur. Quæ quidem summa quinquaginta trium librarum in meliores usus potest disponi, utpote in adolescentibus et aliis juvenibus in bonis literis instruendis et quotidiana lectura per aliquem virum pium et eruditum dictanda, unde possint veritatem callere et quid Deo et Regi faciendum foret satius possint intelligere, in maximum commodum totius populi nostri ibidem commoraturi, sicut per relationem dilecti nobis in Christo Willielmi Episcopi Menevensis plenius et planius accepimus.

Nos igitur volentes ex intima charitate nostra quam erga Deum et tortum populum nostrum gerimus, congruum remedium in hac parte providere, et in multo meliores usus quam nunc disponuntur convertere , clare percipientes quod præmissa omnia et singula melius disponi possunt Volentesque multum statum subditorum nostrorum melius consulere, de gratia nostra speciali ac ex certa scientia et mero motu nostris dedimus concessimus et confirmavimus, ac per præsentes damus concedimus et confirmamus præfato Willielmo nunc Episcopo totam illam domum sive Prioratum fratrum prædicatorum, ac totum solum et fundum, præcinctum, et ambitum, dicti nuper Prioratus, ac omnia ædificia, terras et tenementa, redditus reversiones et servitia, messuagia, sola, funda, proficua commoditates advantagia et hæreditamenta quæcumque, dicto nuper Prioratui quoquo modo spectantia sive pertinentia.

Ac etiam omnia catalla res Hostilmenta necessaria et implementa in dicto nuper Prioratu tempore dissolutionis ejusdem, vel unquam postea existentia, vel ad eundem nuper Prioratum aliqualiter spectantia vel pertinentia, cujuscunque generis vel speciei fuerint, ac in tam amplis modo et forma prout dictus Ricardus David ultimus Prior dictæ nuper domus fratrum prædicatorum, vel aliquis prædecessorum prædicti Ricardi David nuper Prioris ejusdem nuper domus sive Prioratus terras et tenementa, solum, fundum ædificia ac cætera hæreditamenta quæcumque, bona catalla res hostilmenta implementa necessaria, dicto nuper Prioratui spectantia vel aliquo modo pertinentia, ad reversionem dicti nuper Prioratus et cæterorum præmissorum quorumcunque(*) habuit tenuit aut gavisus fuit, et c. [Footnote in witness J: '*The words following to the conclusion of the sentence, so necessary to grammar as well as the sense, are omitted by Stephens, and added meo periculo by T.J.']

Ac etiam dedimus et concessimus et de gratia nostra speciali certa scientia et mero motu nostris, damus et concedimus eidem nunc Episcopo et successoribus suis, totum jus nostrum, statum, titulum clameum, possessionem interesse et demandum quæ nos in prædicto nuper Prioratu sive domo fratrum prædicatorum ac cæteris præmissis cum pertinentiis, ac in reversione dicti nuper Prioratus sive domus fratrum prædicatorum ac cæterorum præmissorum cum omnibus et singulis suis pertinentiis universis, ac in manibus et possessione nostris jam existentibus habemus, seu quovismodo in futurum habere poterimus, aut hæredes vel successores nostri habere seu clamare debent aut poterunt quovis modo in futurum, jure titulo materia vel causa quibuscunque juxta omnem juris effectum, ac omnia et omnimodas libertates et franchesias jura et jurisdictiones quæcunque dicto nuper Prioratui terris vel tenementis, vel cæteris hæreditamentis quibuscunque, sive alicui inde parcellæ quoquo modo spectantia vel pertinentia, adeo plene et integre prout antedictus Ricardus David nuper Prior Prioratus prædicti aut aliquis prædecessorum suorum nuper Priorum dicti nuper Prioratus sive domus prædicatorum in jure illius Prioratus dictam nuper Domum sive Prioratum Fratrum Prædicatorum, ac prædicatorum, ac prædicta bona et catalla, res, necessaria vel implementa prædicta, vel aliquam partem inde unquam habuerunt tenuerunt vel gavisi fuerunt, habuit tenuit vel gavisus fuit, aut habere tenere seu gaudere debuerunt vel deberent, debuit sive deberet, aut adeo plene et integre prout ea omnia et singula ad manus nostras ratione et prætextu dissolutionis dicti nuper Prioratus sive domus devenerunt, seu devenire debuerunt, vel deberent, aut alio modo quocunque in manibus nostris jam existunt vel existere debent seudeberent.

Habendum, tenendum et gaudendum prædictam domum sive prædictum nuper Prioratum, solum, fundum, et præcinctum ejusdem, ac omnia et singula ædificia dicti nuper Prioratus, ac omnia messuagia terras et tenementa; redditus reversiones et servitia, commoditates et proficua, ac cætera hæreditamenta quæcunque, bona catalla res hustilmenta implementa et necessaria quæcunque, ac cætera omnia et singula præmissa superius expressa et specificata, cum suis juribus et pertinentiis universis, una cum omnibus et omnimodis proficuis emolumentis et commoditatibus quibuscunque, ad dictum nuper Prioratum spectantibus vel pertinentibus præfato Willielmo nunc Episcopo Menevensi et successoribus suis in perpetuum tenendum de nobis et hæredibus et successoribus nostris per fidelitatem tantum pro omni servitio et exactione quacunque.

Et ulterius ex speciali gratia nostra, certa scientia et mero motu nostris, damus et per præsentes concedimus præfato nunc Episcopo Menevensi et successoribus suis omnes et omnimodes exitus reventiones et proficua dicti nuper Prioratus sive domus fratrum prædicatorum, ac cæterorum omnium et singulorum præmissorum a tempore dissolutionis dicti nuper Prioratus sive domus hucusque, et semper postea emergentia et provenientia. Habendum et percipiendum dictum nuper Prioratum terras et tenementa ac cætera hæreditamenta, redditus reversiones et servitia reventiones et proficua, ac omnia et singula præmissa cum pertinentiis, eidem nunc Episcopo et successoribus suis ex dono nostro absque compoto seu aliquo alio proinde nobis hæredibus vel successoribus nostris quoquo modo reddendo solvendo vel faciendo.

Et ulterius ex speciali gratia nostra, certa scientia et mero motu nostris, volumus et concedimus ac per præsentes damus et concedimus, pro nobis hæredibus et successoribus nostris, præfato Willielmo nunc Episcopo Menevensiet successoribus suis dictum Collegium de Abergwilly, ac dictum nuper Prioratum ac unam clausuram terræ quæ dicitur le close Imaendly, ac omnia terras et tenementa redditus reversiones et servitia, messuagia sola funda commoditates advantagia et hæreditamenta quæcunque, dicto Collegio ac dicto nuper Prioratui, et eorum cuilibet aliquo tempore quoquo modo spectantia sive pertinentia; ac etiam volumus et per præsentes concedimus præfato nunc Episcopo quod habeat has literas nostras patentes, sub magno Sigillo nostro Angliæ debito modo factas et sigillatas, absque fine vel feodo magno vel parvo in Hanaperio nostro, seu alibi ad usum nostrum quoquo modo reddendo solvendo vel faciendo.

Eo quod expressa mentio de certitudine aut valore præmissorum, aut de aliis donis sive concessionibus, per nos vel aliquem progenitorum nostrorum præfato nunc Episcopo ante hæc tempora factis in præsentibus minime facta existit, aut aliquibus statutis actu ordinatione provisione sive restrictione in contrarium factis editis ordinatis sive provisis, aut alia aliqua re causa vel materia quacunque in aliquo non obstante.

Insuper noveritis quod nos de gratia nostra speciali certa scientia et mero motu nostris, volumus et concedimus ac per præsentes licentiam potestatem et authoritatem ordinario ac loci illius Diocesano et Patrono fundatori et Decano dicti Collegii de Abergwilly, damus quod ipsi possint absque aliquibus impetitione vel perturbatione nostri hæredum aut successorum nostrorum vicecomitum justiciariorum escaetorum officiariorum aut ministrorum nostrorum quorumcunque libere et impune dictas annuas quinquaginta tres libras pro stipendiis dictorum cantatorum, ut præmittitur, assignatas expendendas in meliorem usum secundum eorum sanas discretiones convertendas.

Et quod ipsi libere et impune valeant quendam ludum literarium erigere et fundare apud Brecknock prædictum, ac ipsas quinquaginta tres libras annuas ad sustentationem quorundam proborum hominum viz. eruditi ludimagistri et pædagogi, lectoris theologiæ concionatoris, qui apud Brecknock prædictum omnibus personis doceri volentibus in bonis literis erudient, ac sanctum evangelium cunctis ligeis et fidelibus nostris ibidem pure et sincere gratis et libere elucidabunt, secundum ordinationes et statuta in ea parte per dictum diocesanum et loci illius ordinarium et fundatorem Collegii prædicti de tempore in tempus edenda et constituenda, libere et impune absque impetitione nostri hæredum aut successorum nostrorum justiciariorum ministrorum aut officiariorum quorumcunque, aliquibus statutis actibus ordinationibus vel provisionibus in contrarium factis editis aut provisis, non obstantibus, et absque aliquo ab ipsis pueris vel eorum parentibus pro educatione prædictorum adolescentium capiendo vel clamando.

Ac etiam de gratia nostra speciali certa scientia et mero motu nostro, volumus et concedimus per præsentes, quod dictus nuper Prioratus fratrum prædicatorum Collegium Christi de Brecknock de cætero nuncupetur, et ab omnibus appelletur; ac pro tali Collegio acceptamus et repatamus per præsentes, et non alio modo neque aliter in posterum vocari appellari vel nuncupari volumus.

Et quod antedictus nunc Episcopus Menevensis ac omnes et singuli præbendarii canonici choristæ vicarii, aliique ministri dicti Collegii de Abergwilly, ac omnes Ludimagistri pædagogi lectores concionatoresac aliæ personæ quæcunque; illic pro tempore existentes et successores sui libere et impune apud prædictum oppidum de Brecknock et in Ecclesia prædicti nuper Prioratus ac aliis possessionibus terris et tenementis, ac aliis hæreditamentis quibuscunque dicto nuper Prioratui spectantibus,et infra ambitum et præcinctum ejusdem nuper Prioratus spectantibus et infra ambitum et præcinctum ejusdem nuper Prioratus cohabitare residere possint et manere possint.

Et quod idem nunc Episcopus Menevensis et successores sui ad ejus et eorum cujuslibet beneplacitum libere transferre possint dictos residentiarios præbendarios canonicos choristas aliosque ministros dicti Collegii de Abergwilly, ad dictum Collegium Christi de Brecknock prædictum atque eos et eorum quemlibet sub pœnis statutorum dicti Collegii de Abergwilly, aliquo tempore antehac usitatis consuetis specificatis et declaratis, absque impetitione molestatione vel turbatione nostri hæredum vel successorum nostrorum, Justiciario-Escaetorum vicecomitum ballivorum servientium officiariorum vel ministrorum nostrorum, hæredum aut successorum nostrorum quorumcunque, vel eorum alicujus cohabitare faciat.

Et ulterius volumus et concedimus per præsentes de speciali gratia nostra certa scientia et mero motu nostris, quod idem nunc Episcopus Menevensis et successores sui, ac omnes alii residentiarii præbendarii canonici vicarii choristæ, aliique ministri dicti Collegii de Abergwilly et successores sui, pure libere quiete et hæreditarie habeant et teneant sibi et successoribus suis in perpetuum, omnia et omnimoda maneria messuagia terras et tenementa, redditus reversiones et servitia, advocationes ecclesiarum vicariarum et capellarum, proficua emolumenta commoditates et hæreditamenta, libertates franchesias præhementias et jura quæcunque aliquo modo antehac data concessa debita vel spectantia dicto Collegio de Abergwilly,vel fabricæ dicti Collegii.

Et quod ipse nunc Episcopus Menevensis Cononici residentiarii præbendarii vicarii choristæ, vel collegiati aliive ministri quicunque dicti Collegii de Abergwilly, et successores sui, habeant gaudeant et utantur omnibus et omnimodis privilegiis libertatibus franchesiis præheminentiis et juribus, quibuscunque adeo plene et integre ac in tam amplis modo et forma, prout ipsi prædecessores sui in Collegio de Abergwilly antea habuerunt tenuerunt vel gavisi fuerunt, aut habere tenere gaudere vel uti solebant vel debuerunt, vel eorum aliquis in dicto Collegio de Abergwilly aliquo tempore præ antea habuit tenuit vel gavisus fuit, aut habere tenere gaudere vel uti solebat vel debuit, ad opus et usum sustentationis et manutentionis prædicti Collegii Christi de Brecknock.

Ac ea omnia et singula præmissa Prioratum Collegium maneria messuagia terras et tenementa ac omnia alia jura commoditates proficua et hæreditamenta quæcunque, quæ aliquo tempore habita cognita accepta reputata vel capta fuerunt; ut partes parcellæ sive membra dicta dicti nuper Prioratus Collegii maneriorum messuagiorum terrarum et tenementorum reddituum reversionum, vel servitiorum aut cæter orum præmissorum, sive alicujus inde parcellæ vel præmissorum,vel alicui præmissorum aliquo modo appendentia pertinentia sive spectantia. Ex speciali gratia nostra certa scientia et mero motu nostris, damus concedimus et confirmamus per præsentes dicto nunc Episcopo Menevensi, et successoribus suis tam libere et effectualiter bene sufficienter integraliter, ac si omnia et singula præmissa cum suis pertinentiis universis realiter distincte nominatim specialiter ac certitudinaliter melioribus modis viis et mediis ac clarioribus et efficacioribus terminis verbis atque sententiis, juxta omnem juris effectum, et juxta omnes meliores et maxime sufficientes intelligentias, in lege dictum nuper Prioratum Collegium maneria, messuagia terras tenementa redditus reversiones et servitia ac cætera hæreditamenta quæcunque, cum omnibus et singulis suis pertinentiis et commoditatibus universis declarat. dat. explanat. pronunciat. et publicat. fuissent et essent aptissimis verbis atque sententiis in lege ad præmissa et quamlibet inde parcellam clariss. accommodatiss. et specialiss. quæ possunt excogitari.

Eo quod expressa mentio etc.

In cujus rei Testimonium has literas nostras fieri fecimus Patentes. Teste meipso apud Westm’ decimo nono die Januarii, Anno Regni Regis Henrici octavi tricesimo tertio.

Per breve de privato Sigillo et de dat’ etc. Convenit cum Recordo et Examinat.

Thomas Bevens. Per me Humfredum Harris.